又到星期天, 親子日, 難得天氣晴朗
, 當然不會白白浪費 ! 今天決定帶澄澄到新城市廣場的 "屎諾比" 公園去 ! 好多屎呀 ! 
" 哈咔咔 "
每天澄澄的日常程序都規規矩矩 ! 例如, 餵食方面, 便便 , 沐浴及午睡時間, 我已經掌握得好好 ! 因此現在外出的時間都可以好好的配合 !
今次我跟澄爸爸決定唔揸車車 , 唔搭馬鐵 , 而是 " 坐新港城免費穿梭巴士"去 ! (嘻嘻 ! 唔洗 $$$$) ...平日坐慣爸爸車, 我起初都擔心囡囡會扭計作怪, 殊不知, 澄澄乖乖安安靜靜的坐畢全程 ! 值得媽媽一讚 ! (其實囡囡係八卦, 四周圍望). 抵達商場後, 囡囡如往常一樣, 一開始扮作若無其事, 然後開始行動, 首先試探一下你們 (眼望望) ... , 繼而從手推車中起身
(非常危險, 請所有小朋友不要模仿, 賴泳澄係經過長時間的訓練 , ) (險象環生)
, 目的是吸引爸爸從而施計得逞 (抱抱) .. 抱高一點, 可以望更遠一點 ! 達到目的後, 她就會向我示威, 表現得非常 "得戚" ... 激死我喇 ....喇喇喇喇..........
爸爸全程抱抱 , 因此不須幾分鐘後便到達Snoopy Land 了, 由於是假日, 遊人特別多, 我跟澄爸爸好不容易才拍下幾張照片 , 還要與其他 "自由行" 爭相攝位.
最近, 囡囡學識了擺pose ... 大家可以留意下, 但凡影相, 囡囡都會高舉手手 , 好似跟我們said : "HI " ... 好趣緻的唷 !
既然一場來到 "Shatin Plaza" ... 不如去一趟 "玩具反斗城" 吧 ! 當然沒有收獲喇 ! 因為囡囡尚小, 暫時還不懂扭買玩具 , 我們閒逛了一會兒後, 乘坐馬鐵回家去了 !
玩了一整天後, 媽媽跟爸爸已經筋疲力盡了, 澄爸爸更累死般塌在床上, 我呢 ! 當然要繼續為囡囡服務, 準備晚餐及洗白白 !過後, 天生精力旺盛, 好動活潑的囡囡, 竟然絲毫不累, 繼續自我娛樂, 在玩具櫃中大肆倒蛋 , 把玩具翻來覆去 / 翻天蓋地的 . .. 唉 ! 原來我生了一隻馬騮仔 !
今日的行程尚算滿意, 美中不足的是, 拍照不多, 下次再來過吧 !
